Chi gh’è ona gran lus

E on bell porton che l’è faa tutt d’argent.

Sent, gh’è ona gran vos

Che la te dis de dervi, de andà innanz,

La te dis che te see in Paradis.

Ti ‘dess proeuva cor

In sui praa con l’erba de seda.

Forsi l’è propi vera

Però voeuri nò, voeuri minga staa chi,

mi piangiaria la sera

a scoltà in Paradis i canzon che hoo cantaa

sotta ‘na quei finestra

cont i amis in di cort e in di strad de Milan,

mi voeuri staa sitt’ ‘na preia sconduu

ma in doe son nassuu.

Chi l’è propi bell

e dent i sces se ved pu nanca i spinn,

chi dent in di foss

gh’e l’acqua ciara e rosoli de bev,

chi te tocchet i stell cont i man

‘me te fee refudà ‘l Paradis.

Quell che anmò de fioeu

T’hann spiegaa che l’era el to premi.

Quell che te dii l’è vera,

ma dent in del coeur gh’hoo domà el mè Milan,

mi voeuri minga de premi

lassi chi el Paradis e i so foeuj trasparent

fa nanca finta e lassom

in di cort e in di strad a scoltà i bei paroll

quei che ho bevuu co’l prim latt di mè vecc

in doe son nassuu