Testo e musica di Claudio Merli

El te riva in del coeur con la sera,

l’è in de l’aria che boffa leggera,

l’è ‘l rigòrd di tò gent

che viveven content

in del coeur d’ona cà de linghera.

Te ritornet in scòssa a la nònna

per riviv i bèi moment de gioventù.

Su la linghera, sì…

che me piaseva viv

content in amicizia con la gent modèsta,

pròpi come mi.

Sù la linghera, ti…

te me daa ‘l prim basìn,

el coeur el me s’cioppava, in de la nòtt serèna,

li vesin vesin

Voeuri ricordà ona cà de ringhera

dèl mè vègg Milan propi come l’era

Su la linghera si

mì voraria tornà

tra la mia gent sincera, con la mia popòla,

per podè sognà.

Stoo bell sògn che ògni tant me tampina

l’è l’amor per la gent meneghina,

che la pògia el sò coeur

sora al s’còss d’on poggioeu,

faa de ferr, d’ona cà de linghera.

E la gent meneghina la sògna

de riviv i bèi moment de gioventù.

orchestra

Voeuri rigordà ona cà de linghera

del me vègg Milan, propi come l’era

Sù la linghera, sì…

el torna el meneghìn,

tra la soa gent nostrana, con la soa ghitara,

quest l’è ‘l sò destìn.

Nel bell Milan che l’era,

su la soa linghera…

a l’è ‘l sò destìn.