De la mia miee ne podi pù

l’era mej ch’el di del sposalizzi

‘ndavi a giugà i bocc coi me amis

o a ciappà on poo d’aria sul navili.

Mi son stuff ne podi propi pù

mi ve domandi de jutamm

se no chi va a fini che ciappi e voo… e voo.

Mi ne podi propi pù de sentila barbottà

Per el fumm di mè toscan e se porti a cà tosann.

Se voo a spass e rivi stracch podi nanca stà on poo quiett

Quand me slonghi sora el lett cont i scarp e on bell grappin.

orchestra

La m’ha faa coi gucc trenta golfin,

tucc cont el color de la cagiada

che la tira on poo sul verdesin.

Quand voo in gir foo rid… pari ona smaggia.

Mi son stuff ne podi propi pù,

mi ve domandi de jutamm

se no chi va a fini che ciappi e voo… e voo.

Sont on sant, bisogna dill, per senti cent volt al di:

te vee a spass e mi son chi ‘me ona serva giust per ti.

Poeu la dis che l’ha capii che la bionda a pian terren

la me cura quand voo a spass e anca mi ghe moeuri adree

orchestra

La me dis che in di cassett la gh’ha pù nanca on strascett

Propi lee che per ligamm l’ha molaa fior de marches

orchestra

Tanti volt foo di bei sogn, butti i mocc in sul tappee

e son pien de bei tosann che me lustren depertutt

m’ anca in sogm la riva lee gemò pronta a barbottà,

ma i amis e i bei tosann corren là a strozzagh el fiaa.