Testo Marco candiani, Musica Claudio Merli

Fioeu de periferia vestii in economia, malnatt de tanti ann fa.

Calzon con dent la pezza, in man mezza michetta con dent pocch e nagott.

Milan in primavera pièna de fioeu la sera a giugattà in di cort

Magari con la lippa o a rimirà tosann an’mò cont i trezitt.

Andavom nò in campagna e l’era assee el navili de Gorla e de Ronchett.

Curavom la caretta del giazz per la scheietta per rinfrescass on poo.

Sconduu in d’ona cantina la prima sigaretta per cred de vegh vint ann.

De foeura de la scòla de Gigi de la gnaccia ghe n’era semper vun

Che per cinquanta ghèi tajava ona fettina col so tochell.

Milan in primavera, pièna de fioeu la sera, in gir cont on bell fa;

la pòrta semper vèrta, ‘na mamma a la finèstra a fa quatter paroll.

Fioeu de periferia che quand vegneva sira guardavom su in dèl ciel:

cercavom ona stella, la stella di speranz, la lus de l’illusion.

In mezz i casermoni, vèrs el ròndò a la Baia correvom su i rotai

per fa inrabbì i manetta per quella perteghetta che ghe tiravom giò.

Tra quei de la Ferrera e quei de la Barona volava on quèi s’giaffon

Per ona sgalisetta che ghe piaseva al Rico ma poeu rivava vun,

magari de Lambraa che le portava in canna in mezz i praa.

Orchestra

Fioeu de periferia, vestii in economia, che stavom la de cà

Vorevom nò la luna, domà on poo de fortuna sui strad dèl nost’ Milan

Che forsi emm tiraa grand. Dess la in periferia se giuga pù.