Luna inversa

El vent de l’altra nòtt l’ha faa el ruffian.
Lù el s’è infilaa de sfròs tra i filidur
di mè penser che cerchen de capì
el tò patì per quell che t’hee perduu.
El vent el m’ha cuntaa che tucc i ser
te ciappet el sentee ch’el pòrta là
denanz a ona murella sfregujada
e a quell cancell de ferr semper saraa.
Anca stanòtt, compagn di alter nòtt,
tasen i grì che sconden canzon vecc
tra i gott de la rosada sora i sces;
domà i fraschett sabetten tra de lor
per cuntà-sù i tò sògn, i tò vision.
La luna senza coeur la se ingarbia
in del cancell, tra i rizz de ferr battuu
e la pittura, come per fatt rabbia,
on’ombra bianca, là... in del giardin,
che la te ciama, che la voeur passà
in mezz al ruggin del cancell saraa.
Paròll antigh che t’hinn restaa sui laber,
carezz che t’hee mai faa quand l’era el temp,
se pòggen sora el voeuj de la vision.
Par de sentì on sospir anca stavòlta...
Dismett de giugattà la luna inversa
e coi freguj de ruggin sòtt i did
se pizza on’altra vòlta la toa rabbia.
I mila schej de veder sul murett
guarden mila vòlt con compassion
i piegh de la toa bocca che rid mai.

                                        Marco Candiani

Luna imbronciata

Il vento dell’altra notte ha fatto il ruffiano.
Si è infilato con l’inganno tra le fessure
dei miei pensieri che cercano di capire
il tuo soffrire per ciò che hai perduto.
Il vento mi ha raccontato che tutte le sere
prendi il sentiero che porta là
dinanzi ad un muretto sbrecciato
e a quel cancello di ferro sempre chiuso.
Anche stanotte, come le altre notti,
tacciono i grilli che nascondono vecchie canzoni
tra le gocce di rugiada sulle siepi;
soltanto le foglioline sussurrano tra loro
per raccontare i tuoi sogni, le tue visioni.
La luna senza cuore si aggroviglia
nel cancello, tra i ricci di ferro battuto
e dipinge, quasi per farti rabbia,
un’ombra bianca, là... nel giardino,
che ti chiama, che vuol passare
tra la ruggine del cancello chiuso.
Parole antiche rimaste sulle tue labbra,
carezze che non hai mai fatto quando era il tempo,
si posano sopra il vuoto della visione.
Sembra di udire un sospiro anche questa volta...
Finisce di giocherellare la luna imbronciata
e con le briciole di ruggine sotto le dita
si accende un’altra volta la tua rabbia.
Le mille schegge di vetro sul muretto
guardano mille volte con pietà
le pieghe della tua bocca che non ride mai.