Vori nò el paradis

Ona lus!
Ona pòrta là in fond,
         filettada d’argent
e ona vos
che me dis de dervì, de andà innanz,
         de volà
sora on bosch cont i foeuj trasparent...
...la me dis
de cattà quell che voeuri,
         de rid
e de bev
el rosòli che corr in di fòss.
E mì proeuvi, mì corri sui praa,
me rotoli in de l’erba de seda
per smorzà la mia voeuja de piang.
Voeuri minga stà chì!
Se me fà
se chì l’erba l’è fada de seda
e in di sces gh’è pù nanca ona spina... Se
me fà se in di fòss gh’è ‘l rosòli de bev... Voeuri minga ne premi o castigh...
...voeuri stà
         sòtt ‘na spanna de terra,
buttaa-là
tra on fossett
e magari ona meda de ruff
ma faa-sù in di radis...
         i radis di mè gent.
Voeuri minga stà chì!
Voeuri vess ‘na brancada de paja
e stà là in d’on canton de la stalla
a scoltà stòri antigh
coi paròll savorii
che hoo bevuu col primm latt.
Lassi chì el paradis,
i sò fior trasparent
che profumen tutt l’ann,
         senza spinn...
Voeuri vess on moron
e stà là in di marscid,
per guardà la mia gent
a sgranà formenton
in su l’era brusada dal sô...
...e patì insemma a lor
         de stagion in stagion.

Non voglio il paradiso

Una luce!
Una porta là in fondo,
         profilata d’argento
e una voce
che mi dice di aprire, di andare avanti,
         di volare
sopra un bosco con le foglie trasparenti...
...mi dice
di cogliere ciò che desidero,
         di ridere
e di bere
il rosolio che corre nei ruscelli.
E io ci provo, corro sui prati
mi rotolo nell’erba di seta
per spegnere la mia voglia di pianto.
Non voglio rimanere qui!
Non m’importa
se qui l’erba è fatta di seta
e nelle siepi non c’è più neppure una spina...
Non m’importa
se nei ruscelli c’è rosolio da bere...
Non voglio né premi o castighi...
...voglio stare
         sotto una spanna di terra,
buttato là
tra un fossetto
e magari un mucchio di spazzatura
ma legato alle radici...
         alle radici della mia gente.
Non voglio rimanere qui!
Voglio essere una manciata di paglia
e stare là in un angolo della stalla
ad ascoltare storie antiche
con le parole saporite
che ho bevuto con il primo latte.
Lascio qui il paradiso,
i suoi fiori trasparenti
che profumano tutto l’anno
         senza spine...
voglio essere un gelso
e stare là nelle marcite
per guardare la mia gente
a sgranare granoturco
sull’aia bruciata dal sole...
e soffrire insieme a loro
         di stagione in stagione.