I magistraa, in mezz al gasaghee,
saveven pù se fà con precision
e inscì gh'han domandaa al Boromee
de mett in pressa in pee ona procession.
"Ma l'è on pericol" - dis el cardinal -
"quel mett insemma gent con tutt 'sto mal..."

Ma poeu denanz a on poo de prepotenza
lù l'ha concess, però el tribunal
l'ha faa savè a tucc, de conseguenza,
che l'inciodava i uss in doe gh'era el mal.
I milanes sospett de vess malaa,
podeven nò mes'ciass e vess toccaa.

E1 vundes de quell giugn del sescentrenta,
cont i reliqui del san Carlo adree,
gh'è incominciaa la fila macarenta.
In di finester gh'era on gibilee
de quader, de tappee e tanti lumm
perchè in quij temp quest l'era de costumm.

In di finester de quij cà inciodaa,
guardaven foeura col rosari in man,
i pòri gent, i pòri sequestraa.
In tanti strad passava nanca on can
perchè tucc eren là in la procession,
strengiuu trà lor a fà s'cioppà bugnon.

Minga per tucc l'era patenta e ciara
che a mettes tucc insemma strengiun dent,
gombed a gombed in del sara sara,
l'è staa 'me on ris'c mortal, tròpp imprudent.
E subit gh'è staa quei con dent i strii
che han dii: "Gh'era velen sbattuu in dì vii."

I magistrati, in mezzo al guazzabuglio,
non sapevano più che fare con precisione
e così hanno chiesto al cardinal Borromeo
di organizzare in fretta una processione.
"Ma è un pericolo" - dice il cardinale -
"quel mettere insieme gente con tutto questo male."

Ma poi davanti a un po' di prepotenza,
egli l'ha concessa, però il tribunale
ha fatto sapere a tutti, di conseguenza,
che avrebbe inchiodato le porte dove c'era il male.
I milanesi sospettati di essere malati,
non potevano mischiarsi ed essere toccati.

L'undici giugno di quel 'seicentotrenta,
con le reliquie di san Carlo appresso,
è iniziata la fila dolorosa.
Alle finestre c'era un tripudio
di quadri, di tappeti e tanti lumi
perchè in quei tempi si usava.

Alle finestre di quelle case inchiodate,
era affacciata, con il rosario in mano,
la povera gente, i poveri sequestrati.
In tante strade non c'era più neppure un cane
perchè erano tutti là alla processione,
stretti tra di loro a far scoppiar bubboni.

Non per tutti era convincente e chiaro
che a mettersi tutti insieme stretti,
gomito a gomito nel serra serra,
era stato un rischio mortale, troppo imprudente.
E subito ci sono stati coloro con dentro le streghe che
han detto: "C'era veleno buttato sulle strade."