E da quell uss gh'è vegnuu innanz 'na sciora
ancamò bella, anca se velada
d'ona malinconia de bassora.
Bella debon, se pur come svodada,
inscì come hinn tucc bei in Lombardia
i nòster dònn che paren poesia.

In brascia la gh'aveva ona tosetta
in ordin, missa ben ma... l'era mòrta
compagn che in autunn moeur la fojetta
sòtt el boffà del vent che par ch'el pòrta
el piang de quella mamma disperada,
che in del stess temp la par nanca piegada.

L'andava vers el carr come sorada
e i sò bei oeucc cuntaven-sù el dolor
per quella tosettina ormai gelada
che l'era stada e l'era an'mò el sò amor.
Se le tegneva al còll e le guardava,
la ghe parlava insemma, le ninnava.

Vun de quij trii monatt, quell men odios,
l'ha faa per toeugh di brasc el pòr tosin,
ma cont on cert comè de rispettos.
La s'è tirada indree e dal borsin
l'ha tiraa-foeura i franch de bonaman
per daghi a quell che già el slongava i man.

"Mettila sora el carr inscì 'me l'è,
lasségh adòss tuscòss, portii via nient...
Lee l'era tutt per mi, fémm on piesè."
Poeu ghe l'ha dada a quell cont el lament d'on...:
"Ciao, Cecilia... prest se védarèmm..."
E la gh'aveva i oeucc come dò gèmm!

E da quell'uscio si è fatta innanzi una donna
ancora bella, anche se velata
da una malinconia crepuscolare.
Bella davvero, se pur come svuotata,
così come sono tutte belle in Lombardia
le nostre donne che sembran poesia.

Tra le braccia aveva una bambina
in ordine, messa bene, ma... era morta
così come in autunno muore la fogliolina
sotto il soffiar del vento che sembra portare
il pianto di quella mamma disperata,
che nello stesso tempo non appare neppur piegata.

Andava verso il carro senza fiato
e i suoi begli occhi raccontavano il dolore
per quella bimbetta ormai fredda
che era stata ed era ancora il suo amore.
Se la teneva al collo e la guardava,
le parlava insieme, la cullava.

Uno di quei tre monatti, quello meno odioso,
ha cercato di toglierle dalle braccia la povera bambina,
ma con un certo nonsoché di rispettoso.
Lei si è tirata indietro e dal borsellino
ha tolto i soldi per la mancia
per darli a quello che già allungava le mani.

"Mettetela sopra il carro così com'è,
lasciatele su tutto, non portate via nulla...
Ella era tutto per me, fatemi un piacere."
Poi l'ha consegnata a quello con il lamento
di un...: "Ciao Cecilia... presto ci rivedremo..."
E aveva gli occhi come due gemme...